Përmes një statusi në profilin e saj në Facebook, Bajrami ka shkruar se institucionet përkatëse duhet t’u rrinë afër që t’i kthehen jetës normale.
“Lajm i mirë gjetja e dy vajzave në Pejë, institucionet të jenë afër tyre
Gjetja e dy vajzave, që u raportua se ishin zhdukur para një jave në Pejë, është lajm i mirë për gjithë vendin. Institucionet përkatëse duhet të jenë afër dy vajzave që t’i rikthehen jetës së tyre normale.
Është e dënueshme me burg linçimi, nxitja e urrejtjes sikurse janë të ndaluara fyerjet dhe shpifjet ndaj dy vajzave të shtetit tonë.
Në këto momente, dy vajzat dhe familjet e tyre kanë nevojë për përkrahjen dhe solidarizimin tonë”, ka shkruar Bajrami.
Bajrami dje kishte reaguar përmes një statusi tjetër në këtë rrjet social duke kërkuar që, siç kishte shkruar, i gjithë shteti të ngitej në këmbë deri në gjetjen e vajzave.
