“Çfarë mund të bëjnë familjet, është marrin masa për izolim të shtëpive para se të fillojnë temperaturat e ulëta. Të përpiqen të ndërrojnë mënyrën ngrohjes, pra jo me energji elektrike”, tha Rizvanolli.
E këtë ide po e sheh të arsyeshme qytetari Xhafer Ejupi.
Por qytetari, Faik Krasniqi, shprehet kundër kësaj ideje me faktin se kushton shtrenjtë dhe jo të gjithë kanë mundësi të tilla.
Tutje, ndryshe mendojnë disa qytetarë, me faktin se ka mënyra tjera për kursim të energjisë dhe që të mos shfrytëzohet rryma për ngrohje.
E këtë njohësit e ekonomisë nuk po e shohin si zgjidhje që duhej propozuar.
“Izolimi i shtëpive dhe objekteve të tjera të banimit ka një benefit në kursimin e energjisë elektrike dhe ngrohjes, por nuk është zgjidhje që duhet të propozohet nga institucionet tona…”, tha Besnik Avdiaj – njohës i ekonomisë.
Në seancën gjatë ditës së enjte të Kuvendit të Kosovës në mungesë kuorumi nuk u arrit të merret vendimi për zgjatjen e masave emergjente për furnizim me energji elektrike, ashtu siç parasheh vendimi i Qeverisë së Kosovës.
Kronika e gazetares Lendrina Kodrolli.
