Në një konferecë për media, Lipavský theksoi se qytetarët e Kosovës mund të llogarisin në përkrahjen e Çekisë për anëtarësim në BE dhe NATO.
Sa i përket liberalizimit të vizave, ai theksoi se ka ende punë, teksa janë disa gjëra teknike me të cilat janë duke punuar, shkruan teve1.info
“Mesazhi jonë për qyterarët e Kosovës është që vendi juaj mund të llogaritë në përkrahjen çeke që të jetë pjesë e BE-së dhe NATO-s. Pasi vizita vjen në kohën kur presidenca çeke e ka presidencën e BE-së, përpjekjet tona kanë të bëjnë me atë që sa më shumë të ketë progres në integrim. Për viza ka ende punë, duhet të kemi ende mbështetje politike, janë disa gjëra teknike e presidenca çeke është duke punuar në këtë fushë”, tha ai.
Lipavský potencoi se BE-ja shumë shpejt do ta rishikojë pjesën teknike dhe shpreson që Çekia të marrë vendim politik dhe liberalizimi të ndodhë.
“BE-ja do të rishikojë pjesën teknike dhe presidenca çeke shpreson që aspekti politik të marrë vendim pozitiv. Pritjet e mia nga vendimet politike janë të larta dhe është shumë e lartë në agjendën time. Kam kërkuar nga ministri i Jashtëm i Holandës qëndrimin e tij, por ai ka thënë se do të shohim aspektin teknik dhe shpresoj që përmes kësaj do të kemi lëvizje dhe pastaj do të vendosim për aspektin politik”, tha Lipavsky.
Ndërsa, për dialogun Kosovë – Serbi, ministri çek shtoi se të dyja palët duhet t’i respektojnë të gjitha marrëveshjet qe i kanë arritur mes vete. /Teve1.info/
