Aksionet e Applet kanë rënë më shumë se 4 për qind më 28 shtator pas raportimit se gjiganti i teknologjisë po heqë dorë nga planet e tij për të rritur prodhimin e iPhonet më të fundit.
“Bloomberg” ka raportuar se Apple u ka thënë furnitorëve që të kufizojnë montimin e pjesëve të këtij lloji të iPhonet deri në gjashtë milionë njësi në gjysmën e dytë të vitit për shkak të rënies së kërkesës.
“Kërkesa e dobët e konsumatorit po pritet në kohën kur faturat e shërbimeve po rriten, normat e interesit po rriten, kostot e hipotekës po rriten”, kanë vlerësuar analistët.
Sipas Abhilash Kumarit, analist në “Strategy Analytics”, blerësit e mundshëm të iPhone 14 mund të zgjedhin modelin më të vjetër, duke pasur parasysh zbritjen e madhe që i bëhet iPhone 13-shit me daljen në treg të modelit të ri.
