Trajneri i Ballkanit, Ilir Daja, ka vazhduar bashkëpunimin me skuadrën suharekase edhe për dy vjet të tjera. Daja e mori drejtimin e Ballkanit në janar të këtij viti dhe fitoi kampionatin e Kosovës.
Për Ballkanin ishte titulli i parë në histori të klubit, ndërsa trajneri nga Tirana, më pas u kualifikua edhe në fazën e grupeve të Ligës së Konferencës, që mbetet suksesi më i madh i ndonjë skuadre nga Kosova në garat evropiane.
“Ilir Daja vazhdon kontratën edhe për 2 vite me kampionët. Timonieri që e drejtoi skuadrën tonë në sukseset historike i qëndron besnik Ballkanit deri në vitin 2024. Ky është vetëm fillimi, bashkë drejt arritjeve edhe më të mëdha”, ka shkruar Ballkani në “Facebook” të mërkurën.