Në ditën e sotëme në qytetin e Mitrovicës do të zhvillohen kualifikimete FIBA Europ Cup të Grupit A, ku gjashtë skuadra do të pretendojnë një vend.
Të martën do të zhvillohen dy ndeshje çerekfinale.
Sfida e parë fillon nga ora 17:00 në mes Petrolina AEK dhe Thor, kurse ndeshja tjetër që do të marrë më shumë vëmendjen e basketbolldashësve është ajo në mes skuadrës së Trepçës dhe skuadrës gjermane Gottingen me fillim të orës 20:00.
Skuadra e Sporting Lisbona dhe Anwerp i Belgjikës janë kualifikuar direkt në gjysmë finale.
Është hera e parë që në qytetin e Mitrovicës po zhvillohet një ngjare e tillë, pa harruar se edhe për herë të parë “Xehtarët” po marrin pjesë në FIBA Europe Cup.
Teksa biletat kanë filluar të shiten, po shihet një numër i madh i të interesuarve. Qmimi i biletës është 10 euro ku përfshihen të gjitha ndeshjet.
Të mërkurën zhvillohen ndeshjet gjysmëfinale, ndërsa të premten finalja e madhe, ku do të mësohet se, kush do të kualifikohet në grupet e FIBA Europe Cup.
