Maloku në emisionin “InfoNata” në Tëvë1, tha se kolegët nga Ministria e Diasporës janë të mirëseardhur në Ministrinë e Punëve të Jashtme dhe Diaspores, por sipas tij, ata fillimisht do të duhej të integrohen gradualisht e jo të marrin pozita kyçe.
Ai thotë se është dëmtuar ndërtimi i kapaciteteve të deritanishme.
“Jo vetëm që ka pasur pakënaqësi por mendojmë se është dëmtuar ndërtimi i kapaciteteve të deritanishme, sepse kolegët nga Ministria e Diasporës janë të mirëseardhur, por ata fillimisht do të duhej të integrohen gradualisht që të fitojnë përvojën dhe në mënyrë që të fillojnë nga gradat më të ultë e jo të marrin pozicione kyçe”, ka deklaruar Maloku.
Shoqata Sindikale e Anëtarëve të Shërbimit të Jashtëm ka paraqitur 14 kërkesa të cilat janë:
1.Që menjëherë të kthehet rendi Kushtetues dhe ligjshmëria e përligjur në Shërbimin e Jashtëm;
2.Të ndërpritet sulmi kundër aktivitetit sindikal, gjegjësisht kryetarit te Shoqatës, Agron Maloku, dhe kthimi i tij ne MPJD;
3.Të shfuqizohet menjëherë nga Qeveria e Republikës së Kosovës Rregullorja 1/2022 mbi Riorganizimin dhe Sistematizimin ne MPJD. Fillimisht të bëhen ndryshimet ligjore pastaj të funksionalizohen aktet nënligjore.
4.Të vendosen në pozita udheheqëse të Sekretarit dhe të tjerët sipas ligjit dhe hierarkisë së administratës.(Të largohen menjëherë nga detyrat diletantët dhe Klika menaxhuese e vendosur me vendime të jashtligjshme: Behar Isma me koeficientin 9 e që ushtorn detyrën e zv. SP me diktate dhe arbitraritet të paligjshëm; Vigan Berisha bashkëpjesmarrës në paligjshmëri; Ragip Zejnullhu…. dhe të ndërmerren masat disciplinore dhe mjete juridiko-gjyqësore për shkeljet e vazhdueshme ligjore që janë duke i bërë;)
5.Të nderpritet hakmarrja ndaj sindikates dhe kryetarit te saj menjehere ne pajtim me ligjin per organizimin sindikal.
6.Të shfuqizohen të gjitha vendimet arbitrare që kanë shkaktuar largimin e kolegëve nga puna dhe të mos merren vendime për largimin nga puna pa vendim të gjykatëes.
7.Të aplikohet sistemimi adekuat i kolegëve me përvojë dhe me grada diplomatike;
8.Të ndërpritet përndjekja dhe segregacioni i diplomatëve dhe zyrtëve me përvojë të gjatë diplomatike, mbi baza administrative, gjinore dhe etnike, e që e tërë kjo prapavij të diferencimit adminostrativo-politik;
9.Te nderpriten konkurset e shpallura ne menyre kunder ligjore (i jashtem dhe levizje paralele).
10.Të ndërpritet përndjekja dhe diskriminimi i diplomatëve nëpër komisione të kurdisura;
11.Të ketë trajtim meritorë sipas praktikave të mira ndërkombëtare të zyrtarëve diplomatik në MPJD në Ligjin për Pagat;
12.Të përmirësohen kushtet e punës në hapësirat e MPJD-së dhe te drejtat tjera te zyrtareve dhe diplomateve ne MPJD.
13.Gradimet selektive, privilegjuese dhe diskriminuese
14.Nxjerrja e aktemerimeve ne menyre selektive dhe mohimi per nje pjese te nëpunësve civil.