Real Madrid kaloi në epërsi qysh në minutën e 18- të takimit, kur Tchouameni gjeti Rodrygon me një pasim spektakolar.
Në minutën e 36-të , Vinicius JR qëlloi shtyllën dhe topin e kthyer nga ai e dërgoi në rrjetë Fede Valverde.
Atletico Madrid provoi të rikthente takimin duke shënuar me Hermoso në minutën e 83-të.
Hermoso la skuadrën e tij me 10 lojtarë kur u ndëshkua me kartonin e dytë të verdhë në minutën e 90+1.
Me fitoren e regjistruar sot, Real mban ecurinë perfekte me 18 pikë pas 6 ndeshjeve dhe mban njëkohësisht pozitën e parë me dy pikë më shumë sesa Barca.
Atletico Madrid mbetet në kuotën e 10 pikëve./teve1.info/