Gjatë debatit parlamentar për grevat, Kurti tha se nuk është problemi tek mungesa e komunikimit në mes të Qeverisë me Sindikatat, por sipas tij kërkesat e sindikatave janë partikulare.
“Nuk është problemi te mungesa e komunikimit ose kurrfarë arrogance dhe inati. Por e kemi një mospajtim themelor sepse në jemi bindur që në këtë krizë duhet të dalim përmes pakos që e mundëson përballjen me inflacion e jo kërkesave partikulare deri të votohet ligji i pagave i cili që nga sot është në diskutim publik”, tha Kurti
Ai tha se nuk mund të ndahet buxhet i shtetit për grupe të caktuara të qytetarëve.
Kurti i përmendi të gjitha pakot që Qeveria i ka ndarë deri më tani në përballje me krizën ekonomike dhe inflacionin në vend.
