Inter ka kryer me sukses sfidën e dytë në Ligën e Kampionëve, në kuadër të grupit C. Zikaltërit në përballjen me Viktoria Plzen, shënuan fitore me shifra 2:0 në sfidën e zhvilluar në “Dossan Arena”.
Në të dy pjesë skuadra italiane ka shënuar nga një gol. Interi të qetë në pushim shkuan me golin e Edin Dzeko në minutën e 20-të, pas një asistimi nga Correa.
Sulmuesi boshnjak akter kyç u bë edhe në golin e dytë, derisa asistoi për Dumfries në minutën e 70-të, për të marrë tre pikët e para në të ashtuquajtur “Grupin e Vdekjes”.
Ndërsa, Tottenham Hotspur ka pësuar humbje në udhëtim te Sportingu me shifra 2:0, ndeshje e zhvilluar në grupin D.
Ekipi nga Lisbona mposhti atë nga Londra në frymën e fundit të ndeshjes, ku saktësisht në minutën e 90-të, doli në skenë Paulinho dhe 93-të Arthur Gomes ia dhanë tre pikë tjera të plota skuadrës portugeze, e cila e vetme tani kryeson në grupin D të Ligës së Kampionëve. /Tëvë1/
