Ai pretendon se zhvillimi i sektorit privat mund të jetë mënyra e vetme që kjo krizë të kalohet sa më lehtë.
“Kosova nuk ka shumë mundësi të mëdha financiare për akumulim të kapitalit, e vetmja mundësi është përmes zhvillimit të sektorit privat. Institucionet duhet të ndërtojnë politika që shtyjnë përpara zhvillimin e sektorit privat. Nëse u mundësohet bizneseve të vogla subvencionim direkt financiar kjo do ishte metodë më e lehtë edhe për qytetarët gjatë kësaj krize. Disa nga to mund të jenë heqja e përkohshme e disa obligimeve tatimore, subvencionimin e kostove të energjisë elektrike ose naftës.Do të ishte një ndikim i drejtpërdrejtë, sidomos bizneset e vogla ta kalojnë krizën në mënyrë sa më të lehtë dhe që të mos largohen punëtorët nga vendi”, tha Avdijaj në emisionin “Ditari” në Tëvë1.
Avdijaj tutje tha se paraja publike akumulohet në bankat e Kosovës, e kjo sipas tij bëhet për qëllimet dhe operacionet e tyre ditore.
Ai shtoi se institucionet duhet të gjejnë modele kreative përmes të cilave ua lehtësojnë barrën edhe konsumatorëve.
