Ashtu si klubet, edhe puna e gjyqtarëve në Kosovë po vazhdon të rritet.
Kjo për faktin se në raundin e dytë të fazës së grupeve të Ligës së Konferencës, UEFA e ka caktuar gjyqtarin Visar Kastrati për ta drejtuar ndeshjen e Grupit F, ndërmjet Gentit dhe Shamrock Rovers.
Kjo ndeshje zhvillohet në stadiumin “Gehlmaco Arena”, të enjten më 15 shtator, me fillim në orën 18:45. Gjyqtari Kastrati do të asistohet nga Besnik Morina dhe Granit Hyseni, ndërsa gjyqtar i katërt do të jetë Genc Nuza.
Gjyqtarët tanë në vazhdimësi kanë pasur rritje, e ku kanë gjykuar në ndeshje mjaft të rëndësishme ndërkombëtare deri më tash, teksa rritjen e tyre profesionale e dëshmon edhe delegimi në raundin e dytë të fazës së grupeve.
Kujtojmë që në këtë kompeticion merr pjesë edhe kampioni i Superligës së Kosovës, FC Ballkani – e cila këtë të enjte luan ndeshjen e dytë ndaj Slavia Praga.
