Osmani në emisionin InfoNata në Tëvë1, tha se kjo erdhi si kundërpërgjigje ndaj Serbisë e cila mbylli të gjithë nivelin arsimor në Kosovë.
Ai tha se Serbia këtë e bëri pasi nuk u pranuan plan programet e Serbisë e as ligjet e saj.
“Viti shkollor 91/92 ishte i mbyllur për gjithë nxënësit, studentet, shkollimi i gjitha niveleve ishte i mbyllur. Serbia mori këto masa sepse nuk u pranuan plan-programet e Serbisë nuk u pranuan ligjet që kishte miratuar Kuvendi i Kosovës, nuk u pranuan as drejtorët e shkollave që emëroi Serbia e as emërtimet e shkollave. Ne u detyruam të bëjmë zgjidhje alternative dhe të organizojmë mësimin në shtëpi”, ka thënë Osmani.
