Krasniqi ka shkruar në llogarinë e tij në Facebook se ishte në Ambasadën e Mbretërisë së Bashkuar në Kosovë, për t’i shprehur ngushëllime Ambasadorit Nicholas Abbott dhe bashkëpunëtorëve të tij, për vdekjen e Mbretëreshës Elizabeth II.
“Me këtë rast, nënshkrova edhe librin e zisë, në kujtim dhe nderim të jetës së Mbretëreshës për Elizabeth II, udhëheqja, vizioni, përkushtimi dhe mirësia e së cilës kanë lënë gjurmë të pashlyeshme në historinë e botës. Ngushëllimet më të thella, nga unë dhe gjithë Partia Demokratike e Kosovës, për Qeverinë dhe të gjithë qytetarët e Mbretërisë së Bashkuar”, shkroi Krasniqi.
Kurse i pari i AAK-së, Ramush Haradinaj, po ashtu përmes një statusi në Facebook, tha se u shënua në librin e zisë duke u shprehur mirënjohës për solidaritetin e popullit britanik ndaj Kosovës.
Haradinaj po ashtu e uroi mbretin Charles III.
“Sot nënshkrova në “Librin e Ngushëllimeve” për Mbretëreshën Elizabeth II, në Ambasadën e Mbretërisë së Bashkuar në Prishtinë.
Nderim për Lartmadhërinë e Saj, Mbretëreshën Elizabeth II.
Mirënjohës përjetë për solidaritetin e popullit britanik ndaj Kosovës.
Falënderim Ambasadorit Nicholas Abbott për kujdesin.
Jetë të gjatë, Mbretit Charles III”, shkroi Haradinaj.
