Përmes një shkrimi në rrjetin social Facebook, Gjini ka treguar se kanë pasur një bisedë konkrete për bashkëpunimin në mes dy institucioneve.
“U dakorduam me ministrin që të gjitha projektet e nisura të përfundohen në afatin e përcaktuar, në mënyrë që, përsëri bashkërisht, të nisim projekte të reja, të cilat janë në shërbim të qytetarëve të komunës së Gjakovës”, ka shkruar kryetari i Gjakovës.
“E mirëprita sot në zyrën time, ministrin e Kulturës, Sportit dhe Teknologjisë, Hajrullah Çekun, me të cilin zhvilluam një bisedë konkrete për bashkëpunimin në mes dy institucioneve tona, konkretisht projektet e përbashkëta që komuna dhe ministria janë duke i realizuar bashkërisht. U dakorduam me ministrin që të gjitha projektet e nisura të përfundohen në afatin e përcaktuar, në mënyrë që, përsëri bashkarisht, të nisim projekte të reja, të cilat janë në shërbim të qytetarëve të komunës së Gjakovës. Falënderues për angazhimin dhe sinqeritetin e ministrit Çeku”, ka shkruar Gjini në Facebook.
