Sipas presidencës së Sllovenisë, qëllimi i kësaj vizite po bëhet në kuadër të përgatitjes së takimit të liderëve për Procesin e Brdo Brijunit.
“Qëllimi i takimit/vizitës është përgatitja për takimin e liderëve në kuadër të Procesit Brdo-Brijuni, i cili do të mbahet më 12 shtator në Slloveni”, thoi në përgjigjen zyrtare për RTKlive, nga Presidenca e Sllovenisë.
Presidenca sllovene konfirmon se presidenti i Republikës së Sllovenisë, Borut Pahor, gjatë vizitës në Kosovë, do të takohet me Presidentin e Republikës së Kosovës, Vjosa Osmani-Sadriu dhe kryeministrin e Republikës së Kosovës Albin Kurti.
Takimin me Kurtin e ka konfirmuar edhe vet zyra e kryeministrit, i cili pritet të realizohet në orën 16:25 të mërkurën.
Interesimi i Sllovenisë ndaj rajonit të Ballkanit Perëndimor së fundmi është shtuar. Ky shtet ish -jugosllav, ka emëruar edhe një emisar special për këtë rajon.
