Ai theksoi se njëkohësisht e kemi projektligjin për zyrtarët publik, ku sipas tij nënkupton se është në tërësi në kundërshtim me Kushtetutën, raporton teve1.info
“Çështja e fundit që unë du me theksu është Ligji për pagat dhe Ligji për zyrtarët publikë. Që e tregon besoj në mënyrën më të mirë të mundshme tendencën e Qeverisë ndaj këtij sistemi gjyqësor. Do të kemi komentet nesër ose pasnesër, sepse është koha e fundit kur mund t’i dorëzojmë komentet”, tha ai.
“Megjithatë po e theksoj, merrne draft-ligjin për pagat dhe projektligjin për zyrtarë publik, do e shihni në çfarë mase do të ndërhyhet në sistemin gjyqësor, ndërkohë që kemi të gjitha garancionet edhe Kushtetuese edhe të Këshillit të gjyqtarëve evropian, që nuk mund të cenohet në asnjë mënyrë pavarësia e sistemit gjyqësor”.
Sipas tij, nëse ky dokument miratohet, do e shkatërrojë sistemin gjyqësor teksa ka shtuar se nuk do të ketë kuadër, do të ikin kuadrot dhe do të rritet niveli i korrupsionit.
“Po e theksojmë që është një dokument që nëse miratohet në Kuvend, do e shkatërrojë sistemin gjyqësor”, tha Zogaj.
Zogaj, e ka quajtur “pako e dëshirave të ministres së Drejtësisë Albulena Haxhiu”, dosjen me dokumente për vettingun, e cila u dorëzuan dje në Kuvend.
