Me mbishkrimet “Gra armatosuni”, “Krejt vajzat e gratë kah një sprej n’çantë”, protestuesit kërkuan shkarkimin e zyrtarëve përgjegjës për këtë rast.
Po ashtu, protestuesit i quajtën Policinë, Qeverinë, Prokurorinë e Gjyqësorin se i kanë duart me gjak.
“Jemi mbledhur te ndërtesa e Qeverisë për kërkim të drejtësisë për të miturën e për të kërkuar siguri për të gjithë. Neve nuk na mjafton që qeveria të njofton që ka nisur hetimet por do ta vazhdojmë protestën deri ta marrim atë që duam. Kërkesat e së mërkurës janë minimumi nga të cilat nuk mund të tërhiqemi. Asnjë vajze e grua të mos ngacmohet, sulmohet e dhunohet. Nuk mund të tolerojmë që të kemi frikë të ecim nëpër hazira publike private, të na sulmojnë. Shkarkimi i zyrtarëve përgjegjës për dhunimin e të miturës. Krijimin e një njësiti kundër dhunës në Polici. Siguri dhe rehabilitim për të dëmtuarat e dhunës seksuale. Futjen e lëndës së edukatës seksuale në shkolla”, u tha nga protestuesit.
Një 11 vjeçare në Prishtinë dyshohet se u dhuna seksualisht për shtatë orë radhazi nga pesë persona. Te gjithë këta, përfshirë edhe dhunues të mitur ndodhen në paraburgim prej 30 ditëve.
Protesta ka filluar para ndërtesës së Qeverisë dhe ka vazhduar edhe në disa lokacione tjera të Prishtinës.
