Përderisa Kryesuesi i Këshillit Gjyqësor të Kosovës, Albert Zogaj ka thënë se rasti i 11-vjeçarës nuk ka qenë asnjëherë në gjykatë, përfaqësues të organizatave joqeveritare kanë ndërprerë konferencën me filikaqa.
“Ky rast nuk ka qenë asnjëherë në gjykatë, njëri nga 11 të pandehurit që sot ndodhen në gjykatë, pesë për rastin e parë dhe pesë për rastin e dytë është e vërtetë që ka precedentë penal dhe ka pasur disa vepra në gjykatë, ka edhe vendime që janë bërë publike sipas komunikatë së Gjykatës Themelore në Prishtinë por unë po e shtroj një pyetje, sepse njëri prej vendimeve ka edhe dënim burgu dhe kush mbanë përgjegjësi për mungesën e rehabilitimit të këtij personi, a është Këshilli Gjyqësor, Sistemi Gjyqësor përgjegjës për qendra korrektuese”, tha Zogaj.
“E kush mbanë përgjegjësi për që ju kanë parashkru rastet e dhunës sekuale në shumicën e rasteve”, ka thënë aktivistja.
“Jo nuk kemi kohë për me i’u ngu juve, ju jeni dështu në shumicën e rasteve të dhunës seksuale dhe ju nuk keni asnjë të drejtë me fol për kta, juve qka ju kërkohet minimalisht si akt moral është me kërku falje për krejt qato rastet që iu kanë parashkru, dhuna seksuale u parashkrua, dmth është krim dhe ju se keni trajtu hiq edhe është neglizhuar prej krejt gjykatësve e ju po dilni këtu po na jepni alibi që rasti i 11-vjeçarës s’ka kaluar në gjykatë, ju nuk keni të drejtë me fol për rastet e dhunës seksuale pa kërkuar falje”, u shpreh ajo.
