Çelësi i sekretit e dini ku qëndron? Kombinimi dhe përshtatja sipas flokut!
Si furça dhe krehëri dëmtojnë flokun tënd?
Të gjitha furçat dhe pothuajse të gjithë krehërit kanë qime (sintetike ose jo) individuale. Kur fijet e flokut ngecin në mesin e qimeve, krijohet një lloj rezistence dhe vajzat shpesh përpiqen të çlirojnë qimet duke i tërhequr krehërin ose furçën fort.
Ky është një gabim madhor sepse floku praktikisht shkulet nga koka ose këputet.
Kush është më e dëmshmja nga të dy alternativat
Një studim i hershëm ka zbuluar se furçat kanë më shumë tendencë të këpusin flokun e gjatë, ndërsa krehëri me qime të këpusë flokun e shkurtër dhe kjo i atribuohet shtresës së qimeve.
Një tjetër aspekt i rëndësishëm që pengon këputjen dhe shkuljen e flokut është përdorimi i zbutësit.
Sipas studimeve flokët e ushqyer dhe të zbutur janë 60% më rezistente ndaj krehjes se flokët e patrajtuar me zbutës.
Krehër apo Furçë, Cilën të oërdorni sipas llojit të flokut?
Furça me bazë katrore është perfekte kundër flokëve të ngatërruar. Ajo zgjidh lëmshin e formuar shumë lehtë dhe nuk prish formën e flokut, të cilin e lë të paelektrizuar. Kjo furcë rekomandohet për flokë të gjatë
Furça Rrumbullake me qime, është perfekte për krehje në kushtët e shtëpisë, ajo ndihmon në eliminimin e problemit të elektrizimit dhe ofron volum.
Sigurohuni që qimet të jenë metalike që të shmangni dëmtimin në maja gjatë tharjes.
Krehëri Me Dhëmbë Të Gjerë rekomandohet për flokë të njomë që kanë tendencën të ngatërrohen lehtë. Ai nuk i këput dhe as nuk e dobëson flokun tuaj.
Furça me Vrima dhe Qime Të Forta, është e përshtatshme për flokë me kaçurrela sepse zgjidh menjëherë lëmshin e flokëve dhe nuk prish formën e kaçurrelit.Për këtë flok rekomandohet edhe krehëri me dhëmbë të gjerë.
Furça Rrethore e Madhe është shumë e mirë për flokun me maja të ngatërruara gjatë tharjes, vetëm nëse bëni krehjen në mënyrë të ngadaltë dhe jo me tufa të mëdha floku.
Kjo furcë do i bëjë majat tuaja tekanjoze më tepër kaçurrele.
Furçë Rrethore e Vogël rekomandohet nga ekspertët për krehjen e ballukeve, sidomos nëse doni tu jepni atyre më shumë volum./AgroWeb
