“Duke nxjerrë analfabetë funksionalë e duke menduar veç për paga, po na përfundojnë njerëzit veç për asistencë sociale. Kur ti nuk nxjerr kuadro të mira arsimore, atëherë prodhon ose njerëz për asistencë sociale, ose punëtorë krahu në Gjermani”, ka deklaruar dje Kurti.
E në lidhje me këtë deklaratë ka Kadrijaj ka thënë se është i pandershëm dhe i ulët epiteti analfabet për mërgimtarët, shkruan teve1.info
E që sipas saj, Kurti fal mërgimtarëve është në pozitën e kryeministrit të Kosovës.
“Është i pandershëm dhe shumë i ulët epiteti analfabet për mërgimtaret tanë. Pasi i mashtrove deri në përulje tash fillove me i ofendu me epitete qe ata kurrë se kanë meritu. Aq më tepër nga ti, që falë tyre je këtu në këtë pozitë.Liria dhe shteti ynë e kanë emëruesin e përbashkët e ai emërues është populli ynë kudo që jeton dhe vepron”, ka shkruar Kadrijaj në Facebook.
Po ashtu edhe Pal Lekaj e ka quajtur të papranueshme deklaratën e Kurtit.
“Fyerja e Kryeministrit ndaj Diasporës sonë është e papranueshme, dhe si i tillë ky epitet i dëmton tej mase ata. Si deputet i Republikës së Kosovës, nuk e pranoj assesi që një kryeministër t’i ofendojë në këtë mënyrë bashkatdhetarët tanë”, ka shkruar Lekaj.
Lekaj i është drejtuar Kurtit, duke thënë se ai fillimisht i ka mashtruar me polisën kufitare.
“Kryeministër, fillimisht i mashtrove me polisën kufitare, për të cilën mandatin e parë u pagove, ndërsa këtë vit i detyrove të paguajnë, dhe nuk e largove siç pate premtuar. Falë tyre je kryeministër, dhe besoj se votat e tyre do të ndëshkojnë!”, shtoi ai.