Ministria e Punëve të Jashtme dhe Diasporës e ka konfirmuar për Teve1.info se i janë përgjigjur pozitivisht kërkesës së Bërnabiqit për këtë vizitë.
“Prishtinë, 02 shtator – Ministria e Punëve të Jashtme dhe Diasporës në Qeverinë e Republikës së Kosovës, i është përgjigjur pozitivisht kërkesës së kryeministres së Serbisë, Ana Bërnabiq që ta vizitojë Kosovën me datën 5 shtator 2022”, kanë thënë nga MPJD.
Sipas MPJD-së, dhënia e lejes për vizitë bazohet në marrëveshjen mes Kosovës dhe Serbisë për vizitat e ndërsjellta të përfaqësuesve politikë.
“Dhënia e lejes për vizitë bazohet në marrëveshjen lidhur me vizitat e ndërsjellta të përfaqësuesve politikë mes Republikës së Kosovës dhe Serbisë”, thuhet më tej në përgjigijën e MPJD-së për Teve1.info.
