Ministrja e Arsimit të Kosovës, Arbërie Nagavci, e cila mori pjesë në këtë ceremoni, tha se realizimi i kësaj abetareje të përbashkët do jetë historike për të gjithë.
“Faleminderit shumë për punën e mirë dhe kontributin që e bëjnë mësuesit për çdo ditë. Ne tanimë po fillojmë realizimin e konkretizimin e kësaj abetareje të përbashkët, e cila jam e bindur që do jetë historike sepse edhe fëmijët e Republikës së Shqipërisë njësoj si të Kosovës, do kenë të njëjtin tekst unik, e që uroj se do ju sjellë fat, shëndet e mbarësi. Unifikimi ynë është i rëndësishëm në secilën fushë, sepse së bashku jemi më të fortë, vetëm kështu do jemi më të suksesshëm, secili veç e veç e të gjithë bashkërisht”, u shpreh Nagavci gjatë ceremonisë, shkruan teve1.info.
Tutje, Nagavci tha se mësuesit tanë janë përballur me vështirësi të shumta, mirëpo sipas saj, ata mbesin kontribuuesit më të mëdhenj të edukimit tonë.
