Portieri i Përfaqësueses së Kosovës, Arijanet Muriq do t’i mungojë Burnleyt për ndeshjen kampionale që e luan të premten ndaj West Bromwichit në udhëtim. Mungesa e Muriqit është konfirmuar vetëm për këtë ndeshje pas lëndimit që e pësoi të martën mbrëma në fitoren 2:0 ndaj Millwallit.
Në këtë takim, Muriq ishte titullar dhe u zëvendësua në minutën e 68-të. Trajneri i Burnleyt, Vincent Kompany të mërkurën ka konfirmuar mungesën e portierit të Kosovës për duelin e radhës. Megjithatë, ai nuk ka bërë të ditur nëse Muriq do të mungojë edhe për një periudhë më të gjatë.
“Duhet të presim dhe të shohim për Aron, pasi skanimet nuk treguan se ka ndonjë dëmtim struktural. Duhet të presim edhe të shohim rezultatet tjera”, ka thënë Kompany. Muriq 23-vjeçar para fillimit të këtij edicioni iu bashkua Burnleyt nga Manchester City dhe deri më tani në këtë sezon ka shtatë paraqitje në Championship.