Kjo pasi që një pjesë e prokurorëve dhe stafi i administratës së kësaj prokurorie gjatë kësaj kohe ishin në grevë.
Shkak i kësaj u bë fakti që qe brenda nuk ka sistem ajrimi funksional dhe kjo po ua pamundëson edhe kryerjen e punëve.
“Jemi të shqetësuar me këtë gjendje. Pothuajse në dhjetë ditëshin e fundit kemi dhjetë punëtorë që kanë kërkuar ndihmën mjekësore urgjente. Dmth kemi pas alivanosje, humbje të ndjenjave, marramendje të të gjithë stafit, përgjumësi – situata të cilat po ndikojnë edhe në mbarëvajtjen e punës në përgjithësi”, tha Burim Neziri – nënkryetar i Këshillit Grevist.
Neziri thotë që vazhdimisht bëjnë kërkesat për zgjidhjen e këtij problemit.
“Zyrtarët e ministrisë së Punëve të Brendshme që janë përgjegjëse për mirëmbajtjen e objektit thonë se kanë probleme me disa softuerë që rregullojnë çështjen e ajrimit dhe klimatizimit. Nuk është ky problem i joni, ky është problem që ata u dashtë mu zgjidh. KGJK dhe KPK kanë nda edhe mjete financiare sa i përket hapjes së dritareve që pothuajse një vit më tepër por nuk janë procedu kontratat”, shtoi ai.
Kjo situatë dikujt në këtë prokurori po i shkakton probleme të rënda me shtypjen e gjakut.
“Na mungon oksigjeni këtu në objekt. Në objekt të mbyllur na punojmë po shumë e kemi telashe me qëndrua brenda. Unë kur punoj në zyre, më ngritet tensioni 200 deri në 220 edhe më duhet me dalë me shku te mjeku me kërkua ndihmë”, tha Elmaze Leci, sekretare juridike në Prokurori.
Grevistët thanë se nëse nuk u zgjidhet problemi do të vazhdojnë me greve, kurse paralajmëruan që atyre do t’u bashkëngjiten edhe punonjësit e gjykatave dhe prokurorive tjera.
Kronika e gazetarit Gojart Jashari.
