Arifaj tha se institucionet shtetërore kanë pasur suksese graduale në shtrirjen e autoritetit të shtetit në pjesën veriore, por sipas tij, tani ekziston rreziku i humbjes se shtrirjes së autoritetit në atë pjesë.
“Kemi pasur suksese graduale të shtrirjes së autoritetit të shtetit të Kosovës në pjesën veriore, e që ekziston rreziku ta humbasim. Nëse do ketë eskalim të situatës, ka mundësi që do vijmë në pikën zero, që nga koha e shpalljes së pavarësisë, e që do ishte e dëmshme më së shumti për Kosovën. Gjithashtu, në kohët e fundit në veri kemi parë edhe ushtarët amerikanë duke treguar në mënyrën më të qartë prezencën e tyre në atë pjesë, ka qenë mesazh i qartë së pari për Beogradin, mandej edhe për këdo tjetër që e cenon edhe interesin e Shteteve të Bashkuara të Amerikës në pjesën veriore të Kosovës”, tha Arifaj në emisionin “Ditari”.
