Qeveria e udhëhequr nga Dritan Abazoviq arriti të qeverisë Malin e Zi vetëm 115 ditë.
E për këto ditë qeverisje, Abazoviq do të mbahet mend për nënshkrimin e Marrëveshjes Themelore me Kishën Ortodokse Serbe.
Sipas gazetarit në Malin e Zi Haxhi Shabani kjo nuk është Qeveria e parë që është rrëzuar për shkak të kësaj marrëveshjeje.
Në anën tjetër, opinonisti në Malin e Zi Gjokë Dukaj foli për mundësitë e bashkëpunimeve mes partive atje.
Ndërsa si interesante në seancën e kuvendit të së premtes mbrëma, Dukaj i përmendi akuzat e Abazoviqit për korrupsion, për cka Prokuroria e shtetit do t’i nisë hetimet.
Marrëveshja e nënshkruar e cila u bë edhe shkaktare për rrëzimin e Qeverisë, rregullon marrëdhëniet ndërmjet Kishës Serbe dhe shtetit të Malit të Zi, si dhe parasheh një sërë detyrimesh të shtetit ndaj kishës. Marrëveshja i jep Kishës Ortodokse Serbe kompetenca ligjore publike dhe hap mundësinë e futjes së arsimit fetar në shkolla.
Përveç kësaj, autoritetet shtetërore nuk mund të ndërmarrin masa sigurie në ndërtesat e kishave pa miratimin paraprak të autoriteteve kompetente të kishës, kurse shteti ka marrë përsipër të regjistrojë pronat e paluajtshme të paregjistruara në pronësi të dioqezave të Kishës Ortodokse Serbe në Mal të Zi.
Kronikë e realizuar nga gazetarja Fetije Kamberi
