Gjatë vizitës së saj në Shkollën e Muzikës dhe Arteve në Gjilan, Nagavci ka deklaruar se është ndarë buxhet edhe për mësimdhënësit me probleme shëndetësore.
“Ministrja e Arsimit, Shkencës, Teknologjisë dhe Inovacionit, Arbërie Nagavci bashkë me kryetarin e komunës së Gjilanit, Alban Hyseni kanë vizituar Shkollën e Muzikës dhe Arteve në Gjilan, ku ka bashkëbiseduar me mësimdhënës dhe drejtorë shkollash rreth përgatitjeve për fillimin e vitit të ri shkollor 2002/2023, me qëllim të identifikimit të nevojave për ndryshime në arsim.
Ministrja Nagavci tha se, përveç investimeve në infrastrukturë, jemi kujdesur edhe për sigurimin e stafit të nevojshëm dhe për avancimin e infrastrukturës ligjore, siç është ndryshimi i UA për organizimin e mësimit me dy periudha dhe rishikimi i formulës së financimit e po ashtu edhe projektligji për Tekste shkollore.
Ndër të tjera, Nagavci theksoi se është themeluar grupi punues i cili po merret me licencimin e mësimdhënësve, ndërsa foli edhe për ndarjen e buxhetit për mësimdhënësit me probleme shëndetësore.
Ministrja ka folur për politikat e reja të MAShTI dhe angazhimet e përbashkëta për të ndryshuar gjendjen në arsim në të gjitha nivelet.
Ajo foli edhe për sfidat në arsim si pasojë e pandemisë derisa shtoi se MASHTI është duke u angazhuar shumë në përmirësimin e këtyre humbjeve”, thuhet në postimin e Nagavcit.