Sipas tij, asnjë qeveri deri më tani nuk ka ndarë kaq buxhet.
Teksa ka theksuar se buxheti i Ministrisë së Mbrojtjes nga 57 milionë euro sa ka qenë, është rritur në 102.3 milionë.
Ndërkohë sot Lidhja Demokratike e Kosovës e ka akuzuar Qeverinë e Kosovës për realizimin e, siç kanë thënë përfaqësuesit e saj, një numri të vogël të projekteve kapitale.
Kurse, anëtarja e kryesisë së LDK-së, Jehona Lushaku-Sadriu tha se Ministria e Mbrojtjes nuk ka më shumë se 5 përqind realizim për investimet kapitale të dedikuara për 6 muajt e parë./teve1.info
Postimi i plotë:
Me qëllim të informimit tuaj të drejtë, dhe që t’i shmangeni keqinformimit po publikojmë disa nga blerjet që janë bërë nga Ministria e Mbrojtjes.
Brenda periudhës së qeverisjes së deritanishme janë zotuar mbi 50 milionë euro blerje të armatimit. Kaq buxhet për kaq ditë qeverisëse, nuk ka ndarë asnjë qeveri më herët.
Buxheti i Ministrisë së Mbrojtjes ka qenë 67 milionë euro, në qeverinë tonë është rritur në 102.3 milionë.
Vetëm për një vit e gjysmë kemi rekrutuar 1240 ushtarë të rinj. Së shpejti do të hapet konkursi edhe për 612 ushtarë aktivë dhe 367 ushtarë rezervë. Kjo nuk ka ndodhur në asnjë qeverisje tjetër.
Këtë vit, deri më tani kemi zotuar 28.6% të buxhetit për blerje. Kjo përqindje do të dyfishohet brenda javëve të ardhshme, kur do të përmbyllen blerjet që janë në proces.
Ministria e Mbrojtjes, vitin që lëmë pas ka shpenzuar 96% të buxhetit, njëherit përqinjda më e lartë e shpenzimit të buxhetit ndonjëherë. Këtë nivel do ta mbajmë edhe në vazhdim.
