Sipas Rafunës, cmimi i energjisë mund të rritet përsëri sivjet, pasi që Zyra e Rregullatorit të Energjisë ka pranuar më 9 gusht një aplikim për shqyrtim të jashtëzakonshëm të të hyrave të lejuara maksimale për Furnizuesin me Shërbim Universal, KESCO, raporton KP.
“Si frikë ose si shqetësim i bizneseve që kanë paraqitur, është edhe paralajmërimi për ngritjen e tarifave të rrymës, edhe pse ne si Odë Ekonomike, ende nuk kemi marrë ndonjë dokument. Sikurse që theksova për naftën që ka drejtpërdrejt efekt në procesin e prodhimit, po ashtu edhe te rryma ka afekt drejtpërdrejt në proces të prodhimit”, ka thënë Rafuna.
Sipas tij, bizneset kanë kërkesa të arsyeshme dhe ligjore për t’iu dalë në ndihmë Qeveria si rezultat i pandemisë, por edhe i inflacionit të madh.