Agjencia Kosovare e Privatizimit në ceremoninë e hapjes së ofertave të shitjes së aseteve në likuidim SHAL 57 përmes tenderit publik shpalli fituesit e përkohshëm për asetet e ndërmarrjeve shoqërore që ishin në dispozicion për shitje.
Prej tyre gjashtë ishin në rajonin e Pejës, tri në rajonin e Prishtinës, shtatë në rajonin e Mitrovicës dhe në rajonin e Prizrenit 11 asete.
Ndryshe, AKP është themeluar nga Kuvendi i Kosovës dhe është e shtrirë dhe vepron në të gjithë territorin e vendit.
Agjencia ka mandatin dhe autoritetin për shitjen ose bartjen e ndërmarrjeve shoqërore dhe aseteve të tyre tek investitorët privatë gjithnjë përmes një procesi të hapur, transparent, konkurrues dhe pa vonesa.
Pranimi i ofertave ishte bërë nga ora 10:00 deri në orën 12:00, derisa sipas Manushe Mataj nga kjo Agjenci, fillimisht ishte bërë selektimi i ofertave dhe më pas edhe hapja e tyre. “Në shitjen e asteteve janë 27 asete dhe janë pranuar 54 oferta. Tani po bëhet edhe hapja e ofertave. Në fillim kemi bërë seklektimin e ofertave. Janë 4 tavolina kontrolluese. Tavolina e katërt përbëhet nga ekspert të marketingut”, kishte deklaruar ajo për ekonomiaonline.
