Nata e 31 korrikut, vendin e gjeti nën alarm. E pas tij, u shfaqën përsëri barrikadat.
Në këtë formë, edhe një herë serbët lokalë në veri të Kosovës e shfaqën pakënaqësinë e tyre.
Kjo pasi Qeveria e Kosovës, mori vendim për zbatimin e reciprocitetit në targa dhe letërnjoftime.
E kjo gjendje, në vend mund të niste një konflikt të ri.
Kështu deklaroi kryeministri i Kosovës, Albin Kurti, të hënën.
E këto deklarata të shefit të ekzekutivit, po i shohin pozitive njohësit e çështjeve politike.
“Deklarata e tij mendoj që ka qenë më shumë provokuese, mendoj në aspektin pozitiv, sepse vet prezenca e KFORIT tregon që situate është fragjile, e tensionuar, perëndimi duhet mi dhanë një zgjidhje këtij dialogu”, tha profesori Dritëro Arifi.
Por, a kishte rrezik për përshkallëzim të situatës, deri në konflikt të armatosur?
“Situata ka qenë e tillë, ashtu siç e ka përshkruar kryeministri. Bashkësia ndërkombëtare nuk është duke e parë lojërat që Beogradi është duke i parë…”, tha Drizan Shala, ekspert i sigurisë.
Qeveria e Kosovës, ka shtyrë për 30 ditë fillimin e zbatimit të vendimit për targa e letërnjoftime.
Por, para se ky afat të përfundoj, gjendja e sigurisë në vend varet edhe nga një datë tjetër.
Por kryeministri Kurti për këtë deklaratë, mori të hënën kritika të ashpra nga opozita.
Raporti i gazetarit Fidan Zejnullahu.
