Klubi i promovuar në Superioren e Shqipërisë, Erzeni vijon të përforcoj e skuadrën, dy javë nga fillimi i sezonit të ri. Shijakasit në elitën me të lartë të futbollit shqiptar do të debutojnë pas një mungese prej 19 vitesh.
Së fundmi Erzeni ka afruar në skuadër mesfushorin Adnard Mehmetin, i cili së fundmi ishte pjesë e ekipit të Vushtrisë në kampionatin kosovar. Në 20-të ndeshje të luajtura me Vushtrrinë sezonin e kaluar 21-vjeçari shënoi 8 gola.
Mesfushori do të jetë një përforcim i vlefshëm për shijakasit për edicionin e ri 2022 – 2023, ndërsa kjo pritet të jetë eksperienca e parë në Shqipëri për Mehmetin.
Erzeni stinorin e ri në Superiore e nis si nikoqir me 20 gusht ndaj Vllaznisë së Shkodrës.