Si u iniciua rast në prokurori ndaj tre operatorëve ekonomik?
Kjo u hetua nga Policia për dy muaj rresht, çka solli inicim të rastit, për ta deponuar më pas edhe në Prokurori.
Në dosjen e tenderit, Policia i ka ilustruar me foto të gjitha dyshimet për manipulim të produkteve.
“Dyshojmë se ofertuesi ka ndërhyrë tek pantallonat duke larguar një tiketë tek xhepat anësorë. Po ashtu ofertuesi ka vënë tiketën e vetë mbi një tiketë tjetër, e cila pasi të largohet vërehet tiketa origjinale. Ofertuesi ka dërguar mostër të një këmishe me mëngë e cila i plotëson specifikat teknike, mirëpo në të njëjtën vërehen dyshime të bazuara se ka ndërhyrje në largim të tiketave, ku në krahun e majtë dyshojmë se është prerë një tiketë.”
Në zbardhjen e dyshimeve të tyre, Policia ka përdorur edhe internetin për verifikimin e mallrave.
Në xhepin e parakrahut, në anën e majtë, ekziston një tiketë më një numër serik, i cili pas hulumtimeve në internet, na del se është tiketë e një prodhuesi tjetër.
Të gjitha këto, konsiderohet se janë përdorur nga Policia e Kosovës për inicimin e rastit ndaj tre operatorëve ekonomik për keqpërdorim dhe mashtrim në prokurim publik.
Si të papranueshme këto tentime për manipulim i quan njohësi i sigurisë, Nuredin Ibishi.
Sipas tij kjo shtron nevojën e reformës së prokurimit.
Mbi 350 mijë euro ishin ndarë për furnizime me uniforma, të cilat përfshinin 750 copë pantallona, 750 copë këmisha, 750 copë xhaketa dhe 750 kapela, të gjitha këto për njësitet speciale operacionale.
Kronika e realizuar nga Florijeta Dernjani
