Aleanca e Ardhmërisë së Kosovës (AAK) ka kërkuar nga Qeveria që në takimin e radhës më 18 gusht në Bruksel mes kryeministrit të Kosovës, Albin Kurti dhe presidentit të Serbisë, Aleksandar Vuçiq, të mos ketë kthim prapa e të mos diskutohet për çështje teknike.
Kryetai i AAK-së, Ramush Haradinaj përmes një shkrimi në “Facebook” ka njoftuar se Kryesia e kësaj partie ka mbajtur një mbledhje sot, ku ka kërkuar nga Qeveria të ndiqet agjendja e marrëveshjes finale me Serbinë.
“Në mbledhjen e sotme të Kryesisë së Aleancës për Ardhmërinë e Kosovës, është kërkuar vazhdimi i agjendës së dakorduar me Sekretarin e Shtetit Antony Blinken, drejt përmbylljes së dialogut për njohje reciproke me Serbinë. Po ashtu Kryesia e Aleancës, ka kërkuar nga qeveria e vendit, që në takimin e radhës në Bruksel, të mos ketë kthim prapa, e të mos diskutohet për çështje teknike, por të ndiqet agjenda e marrëveshjes finale me Serbinë”, thuhet në shkrimin Haradinajt.
