Sipas tij, veprimet e Kurtit nuk kanë qenë të analizuara sa duhet.
“Kryeministri Kurti ka premtuar në fushatë që do ketë dialog me serbët lokalë, ai është dashur të bisedojë me ta, është në koalicion në Qeveri me ta, i ka partnerë. Pastaj, vetë fakti që Ambasada amerikane është dashur ta shpëtojë fytyrën e Qeverisë dhe Kosovës, tregon që veprimet e Kurtit nuk kanë qenë të analizuara mirë. Kjo është situata reale. Situata ka qenë e tensionuar, prandaj çdo eskalim i situatës brenda territorit të Kosovës është një dështim për Kosovën. Sepse Kosova përnjëherë kthehet në një situatë ku ka konflikt dhe ky është një sinjal jashtëzakonisht i keq për një vend si Kosova”, tha ai.
Kujtojmë se para disa ditësh serbët në veri të Kosovës kanë bllokuar me kamionë dhe me mjete tjera rrugët që çojnë drejt dy pikëkalimeve kufitare që lidhin Kosovën dhe Serbinë, Jarinjë dhe Bërnjak.
Këto bllokada erdhën pak orë para se të hyjnë në fuqi dy vendime të Qeverisë së Kosovës për reciprocitet e që kishin të bëjnë me targat dhe dokumentet.
