Lajmin për teve1.info e ka konfirmuar zëdhënësi i Policisë së rajonit të Gjakovës, Sheremet Elezaj.
Ai ka thënë se Policia ka dalë në vendin e ngjarjes dhe personeli mjekësor e ka konstatuar vdekjen e viktimës.
“Sot rreth orës 04:00 është pranuar informacion se në rrugën “Dedë Gjon Luli” në Gjakove një person mashkull lindur në vitin 1973, në një barakë, dyshohej se ishte i vdekur. Njësitet relevante të policisë kanë dalë në vendin e ngjarjes ku edhe personeli mjekësor ka konstatuar vdekjen e viktimës”, ka thënë Elezaj.
Po ashtu Elezaj tha se për këtë rast është njoftuar edhe Prokurori i Shtetit, ndërsa trupi i pa jetë i viktimës është dërguar për obduksion.
“Është njoftuar edhe Prokurori i Shtetit dhe është iniciuar rast “Hetim i vdekjes”. Trupi i pa jetë i viktimës është dërguar në Institutin e Mjekësisë Ligjore për obduksion”, ka thënë ai për teve1.info
