Beqa theksoi se Qeveria po tregohet e paaftë në shumë aspekte.
“Partia e cila ka ardhur në pushtet me shumë kauza të rrejshme dhe besoj që do të shkojë shumë shpejt nga pushteti, sepse ato premtime që i ka bë duhet t’i kthej në realitet dhe në realitet e shohim se ka vështirësi. Realisht, mos puna vetë e largon nga pushteti, sepse ne po e shohim që është e paaftë për me u ballafaqu me krizën ekonomike, me zhvillimin ekonomik, me rritjen e çmimit, kemi prapë krizë të energjetikës që paralajmërohet që vjen, kemi problem me ikje, është një trend i madh i ikjes së rinisë nga vendi. Përveç rinisë po na ikin mjekët, po na ikin profesione të ndryshme”, tha ai në “Ditari” në Tëvë 1.
Ai shtoi se Qeveria duhet të ketë një strategji kombëtare dhe të kërkojë konsensus edhe nga forcat e tjera politike dhe ekspertë jashtë partive në mënyrë që ta parandalojë krizën globale pas pandemisë dhe pas luftës në Ukrainë. /Teve1.info/
