Sipas një njoftimi publik, KRU “Prishtina” ka njoftuar se po vazhdon me shkyçjen nga shërbimi i furnizimit me ujë të pijshëm për të gjitha bizneset që kanë një faturë e më shumë të papaguar për ujë dhe kanalizim.
“Ua kujtojmë që, borxhi total i bizneseve për shërbime të ujit është mbi 7 milionë euro”,thuhet në njoftim.
KRU “Prishtina” i ka bërë thirrje të gjithë borxhlinjve që të paguajnë borxhin ndaj kësaj kompanie në mënyrë që ta evitojnë shkyçjen dhe koston shtesë për shkyçje dhe rikyçje.
