Osmani ka thënë se e gjithë kjo situatë ka ardhur si rezultat i përgatitjeve nga Serbia e ndihmuar dhe nxitur nga Rusia.
“Tensioniet po përshkallëzohen. Megjithatë, ka pasur përgatitje nga Serbia, e ndihmuar dhe nxitur nga Rusia për një kohë të gjatë, për të tentuar përshkallëzimin e Ballkanit Perëndimor në përgjithësi dhe në Kosovë në veçanti. Në dekadën e fundit që Vuçiq ka drejtuar Serbinë, por veçanërisht në muajt e fundit ku ata vazhduan t’i mbështesin strukturat ilegale në veri të Kosovës të cilat përbëhen nga banda kriminale. Nëpërmjet tyre duke i manipuluar, ata janë duke mbajtur pakicën serbe që jeton në Kosovë peng të këtyre politikave të gabuara”, ka thënë Osmani.
E pyetur nga gazetarja e BBC për deklaratën e kryeministrit të Kosovës, Albin Kurti se “Orët, ditët dhe javët në vijim mund të jenë sfiduese”, a ka një rrezik real, Osmani ka thënë se Kosova nuk ka kontribuar dhe nuk do të kontribuojë në përshkallëzim apo në dhunë.
Osmani theksoi se qytetarët e Kosovë duhet të kuptojnë se jetojnë afër një fqinji që kontrollohet plotësisht nga Rusia, shkruan teve1.info
“Kosova kurrë nuk ka kontribuar dhe nuk do të kontribuojë në përshkallëzim apo në dhunë. Por ne duhet të kuptojmë se jetojmë afër një fqinji që kontrollohet plotësisht nga Rusia. Ata po luftojnë mënyrën tonë demokratike të jetës, kjo është një luftë kundër vlerave me të cilat jetojmë çdo ditë dhe të cilat qëndrojnë në themelet e shtetit tonë të pavarur”, tha Osmani
Osmani ka folur edhe për çështjen e dialogut, duke thënë se Kosova asnjëherë nuk është larguar nga tavolina e dialogut dhe kanë nënshkruar marrëveshje të cilat i respektojnë, teksa ka shtuar se Serbia po e bënë të kundërtën.
“Nuk jemi larguar asnjëherë nga tavolina e dialogut, krejt e kundërta. Dhe ne kemi nënshkruar marrëveshje të cilat po i respektojmë, Serbia po e bën të kundërtën. Pra edhe me vendosjen e masave të reciprocitetit, ne po i respektojmë marrëveshjet që janë nënshkruar në Bruksel”, u shpreh Osmani.
E pyetur se cili është mesazhi i saj për presidentin rus, Vladimir Putin, Osmani ka thënë se ai do të dështojë në Ukrainë dhe do të dështoj në qëllimet e tij kur bëhet fjalë për destabilizimin e Ballkanit Perëndismor përmes saltetitit të tij, Serbisë./teve1.info/
