Banorët e fshatit Sibovc të shqetësuar me shpronësimet

Afrim Mexhuani jeton në një shtëpi bashkë me 15 anëtarët tjerë.

Ky ka një tokë në lagjen “Mexhuani” në fshatin Sibofc të Obiliqit.

Mirëpo atje nuk i lejohet të ndërtojë.

“Ne jemi 15 anëtarë jetojmë në një shpi dhe nuk më lejon as komuna me ndërtu sepse më thonë se është pronë në interes nacional të shtetit nuk më lejon me ndertu as një shtëpi dhe jetoj bashkë me vllazni”, tha Mexhuani.

Një rast të ngjashëm e tregon edhe Rrahim Krasniqi.

“3-4 shtëpia kanë fillu banorët me i ndërtu kanë ardh me polici, inspekcion dhe bager me i rrënu, e vet kanë ndërtu pra për ata nuk ka qenë zonë interesi e për neve po. Kurfarë zgjidhje nuk na kanë ofru”, tha Rrahim Krasniqi, banor i fshatit Sibofc.

Kurse Daut Krasniqi një banori tjetër i është propozuar një zgjidhje megjithatë deri tani nuk është realizuar asgjë në praktikë.

“Njëher kanë ardhë kanë premtu kanë thënë këtu nuk ke me ndërtu por eja në Obiliq ta jepim lejen e ndërtimit shkon e ndërton tek Hadja e re por nuk është realizu asnjëher”, tha Daut Krasniqi.

E Ramadan Krasniqi, thotë që çështja e shpronësimit ka qenë shqetësim për banorët qe shumë vite.

Kurse ky ka edhe një hall tjetër që po e shqetëson.

“Shpronësimi është bërë i tokës bujqësore komplet dhe i katër shtëpive ne jemi banor të lagjes Mexhuani të cilët jemi një fis një gjak pra çdo ndarje që bëhet neve na dëmton si në anën sociale ekonomike sociale shoqerore dhe me ndjenja vëllaznillaku dhe familjare”, tha ai.

Ekipi i Tëvë1 ka insistuar për të marrë informacione lidhur me pronat në fshatin Sibofc nga Korporata Energjetike e Kosovës e Ministria e Mjedisit por që të dy palët nuk kanë qenë të qasshëm.

Raporti i gazetares Lendrina Kodrolli.