“Në orët e para të mëngjesit ka filluar zbatimi i vendimit të Qeverisë së Republikës së Kosovës për pajisje me dokumentin për hyrje-dalje në pikat kufitare, siç e theksoi edhe kryeministri i gjithë ky proces është vijuar pa pengesa, ashtu edhe sic e kemi parashikuar e gjithë procedura është jashtëzakonisht e shkurtër për dallim prej proceduarave të pales tjetër e cila për 11 vite me rradhë ka shërbyer si një metodë presioni për shtetasit tanë të cilët kanë kaluar nëpër Serbi”, ka thënë Sveçla.
Sveçla në një konferencë të përbashkët me kryeministrin e Kosovës, Albin Kurti, ka siguruar qytetarët e Kosovës dhe të Serbisë se dokumenti për hyrje-dalje do ta zëvendësoj dokumentin e identifikimt për personat gjatë hyrjes dhe qarkullimit në Kosovë, raporton teve1.info
Teksa ka shtuar se dokumenti është valid për 90 ditë.
“Për shkak të dezinformatave dhe informimit jo të drejtë të këtij procesi dua të siguroj edhe një herë qytetarët e Republikës së Kosovës sikurse edhe ata të shtetit fqinjë se dokumenti për hyrje-dalje do të zëvendësojë dokumentin e identifikimt personal gjatë hyrjes dhe qarkullimin në territorin e republikës së Kosovës si dhe për shfrytëzim në institucionet shtetërore, vlefëshmërija e këtij dokumenti është 90 ditë”, theksoi ai.
Sveçla ka folur edhe për ngjarjet në veri të Kosovës, ai konfirmoi se janë të lënduar 11 qytetarë të Kosovës të cilët kanë pranuar edhe tretmanë mjekësor.
Sveçla theksoi se qytetarët janë sulmuar nga strukturat kriminale ilegale të armatosura.
Ai po ashtu tha se janë dëmtuar edhe disa vetura të qytetarëve të Kosovës.
“Nga zhvillimet e djeshme kemi 11 qytetarë të Republikës së Kosovës të cilët janë të lënduar dhe të cilët kanë marrë trajtime të nevojshme ndërsa janë dëmtuar edhe disa vetura të qytetarëve si dhe të Policisë së Kosovës nga strukturat kriminale ilegale të armatosura dhe për këtë policia e Kosovës tashmë ka filuar hetimin”, ka thënë ministri.
Më tej, Sveçla ka thënë se së bashku me organet e rendit po punojnë që gjithçka të shkoj në rregull.
“Bashkë me organet e rendit ne po punojmë në mbarëvajtjen e këtij procesi dhe do të sigurohemi që gjithçka të shkoj në rregull, i sigurojmë qytetarët e vendit se i gjithë ky proces po vijon në bashkërendim të ngusht mes njësiteve policore të cilat janë të vendosura në pikat kufitare si dhe në stacionet policore të ngritura nga shteti i Kosovës”, u shpreh ai.
Ministir i Punëve të Brendshme falënderoi partnerët ndërkombëtar për bashkëpunim dhe liderët e partive politike në vend për unitetin politk, po ashtu ai i shprehi falënderime edhe Policisës së Kosovës./teve1.info/
