Abdixhiku ka thënë se reciprociteti është e drejtë e çdo shteti sovran.
“Mbështesim angazhimin e institucioneve të Kosovës për shtrirjen e ligjshmërisë në gjithë territorin e Republikës. Reciprociteti është e drejtë e çdo shteti sovran”, ka shkruar ai.
I pari i LDK-së më tej ka dënuar sulmin ndaj Policisë së Kosovës në veri të vendit. Ai ka thënë se koordinimi me aleatët ndëkrombëtarëm për të mos pasur provokim nga Serbia është esencial.
“Dënojmë sulmin ndaj Policisë së Kosovës dhe forcave të sigurisë që ushtrojnë detyrën e tyre kushtetuese në veri të vendit. Mbështetja për ta është domosdoshmëri. Koordinimi me aleatët tanë ndërkombëtarë në parandalimin e çfardo provokimi nga Serbia brenda territorit të Kosovës është esencial. Në këto momente, Kosovës i duhet stabilitet, ligjshmëri dhe siguri”, ka shkruar Abdixhiku./teve1.info/
