TËVË 1 - Lexoje të vërtetën!
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE
Reklamo në tëvë1.info
No Result
View All Result
TËVË 1 - Lexoje të vërtetën!
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE
Reklamo në tëvë1.info
No Result
View All Result
TËVË 1 - Lexoje të vërtetën!
Reklamo

​BQK lanson sistemin e pagesave të shpejta, ofrimi gradual nis më 23 nëntor

by Tëvë1
10 minuta ago
0
A A
​BQK lanson sistemin e pagesave të shpejta, ofrimi gradual nis më 23 nëntor

Banka Qendrore e Kosovës (BQK) lansoi sot zyrtarisht Sistemin e pagesave të shpejta të Kosovës, i cili do të fillojë gradualisht të ofrojë shërbime për qytetarë dhe biznese më 23 nëntor 2026 me katër bankat e para, të cilat kanë përfunduar përgatitjet teknike dhe operative.

Në njoftim thuhet se bankat e tjera janë në proces të përgatitjes dhe do të lidhen gradualisht me sistemin deri më 23 shkurt 2027, kur përfundon periudha kalimtare tremujore.

Guvernatori i BQK-së, Ahmet Ismaili, theksoi se qytetarët dhe bizneset do të mund të transferojnë mjete ndërmjet llogarive në banka të ndryshme brenda pak sekondash, 24 orë në ditë, gjatë gjithë vitit, përfshirë fundjavat dhe festat zyrtare.

Shërbimi do të ofrohet përmes llogarive ekzistuese dhe kanaleve digjitale të bankave pjesëmarrëse, pa pasur nevojë për llogari apo aplikacione të reja, tha ai.

Më 23 nëntor 2026, Banka e Italisë do të organizojë në Romë ceremoninë e lansimit në nivel rajonal, ku do të marrë pjesë edhe Guvernatori i BQK-së, krahas guvernatorëve të vendeve të tjera pjesëmarrëse nga rajoni.

TIPS-K është infrastruktura kombëtare për pagesa të shpejta dhe një investim strategjik që rrit efikasitetin e ekonomisë, krijon mundësi për zhvillimin e shërbimeve të reja dhe e afron Kosovën me praktikat evropiane të pagesave.

Në fazën e parë, përmes TIPS-K do të mund të realizohen transfere deri në 3 000 euro për transaksion. Kufiri do të rritet në 10 000 euro në një fazë të mëvonshme, brenda vitit të parë të funksionimit të sistemit.

Nga 23 nëntori 2026, të gjitha bankat do të zbatojnë tarifat e reja për transferet bankare, pavarësisht datës së lidhjes së tyre me TIPS-K. Bankat i përcaktojnë tarifat e tyre brenda kufijve të miratuar nga BQK-ja.

Gjatë vitit 2027, BQK-ja parasheh zhvillimin gradual të shërbimeve shtesë për pagesa në pikat e shitjes, duke ua lehtësuar bizneseve arkëtimin me kosto më të ulët. Po gjatë vitit 2027, parashihet të nisë procesi i zgjerimit të pjesëmarrjes për institucionet jobankare të pagesave dhe institucionet e parasë elektronike që plotësojnë kushtet e përcaktuara nga BQK-ja.

BQK-ja u bën thirrje qytetarëve dhe bizneseve që, para se të konfirmojnë çdo transfer, të verifikojnë me kujdes të dhënat e përfituesit dhe shumën, si dhe të mbajnë konfidenciale kodet e sigurisë, fjalëkalimet dhe të dhënat e tjera të qasjes.

Bashkëpunimi për zhvillimin e TIPS-K nisi zyrtarisht në janar 2025 në Romë, përmes marrëveshjes me Bankën e Italisë për platformën TIPS Clone për Ballkanin Perëndimor. Banka e Italisë, me miratimin e Bankës Qendrore Evropiane, e zhvilloi platformën mbi teknologjinë TARGET Instant Payment Settlement (TIPS) të Eurosistemit.

ShareTweet

Postime të ngjashme

​Përfundon vizita e ditës së tretë e Jakup Krasniqit në shtëpinë e tij

​Përfundon vizita e ditës së tretë e Jakup Krasniqit në shtëpinë e tij

​Mblidhet PDK, Çitaku: Unitet politik për mbrojtjen e çlirimtarëve

​Mblidhet PDK, Çitaku: Unitet politik për mbrojtjen e çlirimtarëve

Shiroka Pula takon ambasadoren kroate, diskutohet thellimi i bashkëpunimit mes dy vendeve

Shiroka Pula takon ambasadoren kroate, diskutohet thellimi i bashkëpunimit mes dy vendeve

​Kryesia e Kuvendit mblidhet të hënën, ky është rendi i ditës

​Kryesia e Kuvendit mblidhet të hënën, ky është rendi i ditës

Facebook Youtube Instagram TikTok

TËVË 1

Ky portal mirëmbahet nga televizioni “Tëvë1”. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të “Tëvë1”. Për ta shfrytëzuar materialin e këtij portali obligoheni t’i pranoni kushtet e përdorimit.
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE

Social Media

© 2022 - 2026 TËVË 1 - lexoje tëvërtetën

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE

© 2022 - 2026 TËVË 1 - lexoje tëvërtetën