Në nëntor të vitit 2023, Isni Kilaj u dërgua për herë të parë nga Kosova në Holandë
E për gati tri vite ai u përballë më procesin e gjyqësor në Hagë.
Por gjitha akuzat të cilat rëndonin mbi të për pengimin e drejtësisë ranë poshtë, kur Kilaj u shpallë i pafajshëm të martën.
Bashkë më të, në paraburgim qëndruan edhe Bashkim Smakaj e Fadil Fazliu, të cilët të martën përfunduan vuajtjen e dënimit për rastin e njejtë.
Kësisoj të gjithë këta kanë qëndruan disa muaj më shumë në paraburgim se sa dënimi i shqiptuar ndaj tyre.
Për këtë, njohësit e ligjit në Kosovë, thonë se mund të kërkohet edhe kompensim financiar.
“Nëse shohim kohën kur është caktuar paraburgim z.Smakaj ai rezulton ai rezulton të jetë 67 ditë më shumë se sa që i është caktuar dënimi dhe për këto 67 ditë ai e ka të drejtën të kërkojë kompensim, z.Fazliu poashtu ka qëndruar 67 ditë edhe ai poashtu mund të ndjekë të njëjtën procedurë. Përderisa për z. Kilaj nuk ka aty cfarë të argumentohet sepse kemi akt shpalljen i cili nga fillimi ka qëndruar 565 ditë në paraburgim, për të gjitha këto ditë do të duhej të kompensohet”, vlerëson juristi Anton Nrecaj.
Edhe sipas avokatit, Valdet Hoxha, Kilaj, Smakaj e Fazliu mund të kërkojnë kompensim financiar, por jo në të njëjtën masë.
“Në rastin e Z. Kilaj ai mund të kompensohet për gjithë periudhën e kaluar nën masën e paraburgimit sepse ndaj tij ka aktgjykim lirues. Kurse tre të tjerët të cilët janë dënuar me pak se sa koha e qëndrimit nën masën e paraburgim ata kanë tre drejtë që për periudhën shtesë të kërkojnë kompensim financiar nga Dhomat e Specializuara”, thotë avokati Valdet Hoxha.
E sa mund të jetë shuma që mund të marrin për një ditë të kaluar në paraburgim më shumë se sa dënimi i caktuar?
“Sipas standardëve të cilat janë të përcaktuar me kornizën ligjore të aplikueshme në vend një person kërkesa për kompensim për një ditë është 25 euro, mirëpo për rastin konkret meqë kemi të bëjmë më situatë krejtësisht ndryshe pasi personat që kanë të drejtë, z.Smakaj, z.Kilaj dhe z.Fazliu kanë të drejtën që të kërkojnë kompensim shumë më të lartë pasi kanë qëndruar në paraburgim jashtë territorit të Kosovës”, shprehet Ndrecaj.
Për dallim nga Kilaj, Smakaj dhe Fazliu u dënuan me 12 muaj burgim në rastin për pengim të drejtësisë.






