Ka ndërruar jetë personi që u plagos me armë zjarri gjatë ditës së sotme në Suharekë.
Lajmin e ka konfirmuar zëdhënësi i Policisë për rajonin e Prizrenit, Shaqir Bytyçi, i cili bëri të ditur se viktima, S. Daka, rreth 60-vjeçar, nuk ka arritur t’u mbijetojë plagëve të marra.
Sipas informacioneve të para, dyshohet se plagosja ndodhi pas një konflikti lidhur me një parking.
Ndërkohë, Policia është duke ndërmarrë veprimet hetimore për zbardhjen e plotë të rastit dhe identifikimin e personit të dyshuar, i cili pas të shtënave ishte larguar nga vendi i ngjarjes./teve1.info/








