Dy trena janë përplasur pranë stacionit kryesor hekurudhor të Pragës të martën në mëngjes, duke lënë dhjetëra pasagjerë të plagosur, disa prej tyre në gjendje të rëndë, raportoi Agjencia Çeke e Lajmeve.
Zëdhënësi i shërbimeve emergjente të Pragës, Karel Kirs, tha se disa pasagjerë kanë pësuar lëndime të rënda, ndërsa disa ndodhen në rrezik për jetën.
Të gjithë pasagjerët me lëndime të rënda janë dërguar në spitalet e Pragës. Ndërkohë, të gjithë personat që ndodheshin në dy trenat janë evakuuar, tha Kirs.
Ministri i Transportit, Ivan Bednarik, e cilësoi përplasjen si një “incident shumë serioz”, dhe tha se përparësi e menjëhershme është trajtimi i të lënduarve.
Ai falënderoi ekipet e emergjencës për reagimin e tyre dhe bëri të ditur se Inspektorati Hekurudhor ka nisur hetimet për të përcaktuar shkaqet dhe rrethanat e aksidentit.
Qarkullimi hekurudhor në linjën e prekur është pezulluar. Ndërprerjet pritet të zgjasin disa orë dhe të prekin dhjetëra shërbime.
Edhe trenat e distancave të gjata po devijohen drejt stacioneve të tjera hekurudhore në Pragë.









