Ajo pretendon se zyrtarët e lartë të shtetit amerikan, nuk mbajnë takime pa pasur përmbajtje brenda tyre.
“Kurti dhe Osmani janë thirrur në SHBA për t’u dhënë mesazhe të caktuara. Kësaj here u pa qartë se çfarë është një takim zyrtar dhe i rëndësishëm. Kjo sepse zyrtarët e lartë të shtetit amerikan, nuk zhvillojnë takime pa pasur përmbajtje, nuk të presin në takim nëse nuk ka përmbajtje në atë takim. Ose të thërrasin në takim për të përcjellë mesazhe”, tha Lama e ftuar në emisionin “Këndi i Debatit”.
Ndërkaq, Lama tha se ky takim u realizua pas nënshkrimit të marrëveshjes për energjinë, e që sipas saj, kjo erdhi si rezultat i sjelljes më konstruktive të Qeverisë Kurti.
