Liga e Kombeve vazhdon sot me një program të pasur ndeshjesh, ku në fushë do të zbresin disa prej përfaqësueseve evropiane.
Vëmendja kryesore për tifozët kosovarë do të jetë në stadiumin “Fadil Vokrri”, ku Kosova do të përballet me Izraelin, në një sfidë të rëndësishme për vazhdimësinë e garës në Ligën B.
Dardanët, të udhëhequr nga Franco Foda, synojnë të shfrytëzojnë faktorin vendas dhe të marrin tri pikët përballë Izraelit, në ndeshjen që nis nga ora 15:00.
Në kuadër të Ligës A, Norvegjia do të jetë nikoqire e Uellsit nga ora 18:00, në një duel ku vëmendja do të jetë te Erling Haaland dhe Martin Odegaard. Po në të njëjtën orë, Gjeorgjia do të përballet me Hungarinë.
Ndërkohë, në orën 20:45, Portugalia do të ketë një përballje interesante me Danimarkën, në një tjetër duel që pritet të sjellë rivalitet të madh.
Programi i plotë i ditës plotësohet edhe me katër ndeshje të tjera në Ligën B, të cilat zhvillohen nga ora 20:45: Austria – Irlanda, Irlanda e Veriut – Ukraina, Rumania – Polonia dhe Suedia – Bosnja e Hercegovina.
Të gjitha këto përballje janë pjesë e xhiros së pestë të fazës së ligës në edicionin 2026/27 të Ligës së Kombeve.
