Derisa aktualisht gjendet në Shtetet e Bashkuara të Amerikës, ku u takua me Sekretarin e Shtetit, Antony Blinken, janë shtuar zërat për mundësinë që kryeministri Albin Kurti ta pranojë implementimin e marrëveshjes së viteve 2013 dhe 2015, për shtim të kompetencave për serbët lokalë të veriut.
Deputeti i AAK-së, Pal Lekaj, thotë se është i gatshëm ta mbrojë vendin nga formimi i një asociacioni të tillë.
Ish-ministri i Infrastrukturës paralajmëron edhe protesta, derisa thotë nuk përton edhe të gjuajë gaz lotsjellës, si në të kaluarën.
Se vendi po shkon drejt formimit të Asociacionit, e thotë për tëvë1 edhe kryetari i PSD-së, Dardan Molliqaj.
Këta zëra po i shuan ministri i Administrimit të Pushtetit Lokal, Elbert Krasniqi.
Baza e formimit të asociacionit u vendos në vitin 2013, mes kryeministrit të atëhershëm Hashim Tha i dhe atij serb, Ivica Da iq.
Ndërsa, marrëveshja u nënshkrua më 2015, mes Isa Mustafës si shef i atëhershëm i qeverisë kosovare, dhe Aleksandër Vu iq nga pala serbe.
Mirëpo, pas protestave të atëhershme, marrëveshja u dërgua në Gjykatën Kushtetuese.
23 nene të marrëveshjes nuk ishin në përputhje me Kushtetutën e Kosovës, sipas aktgjykimit nga kushtetuesja.
Mirëpo, që nga atëherë, vazhdimisht kishte presion ndaj palës kosovare për implementimin e saj.
Raporti i gazetarit Arton Rama.
